ریاض(این این آئی)سعودی عرب کے مغربی شہر طائف اور قرب وجور میں موسلادھار بارشوں کے باعث نشیبی علاقے زیر آب آگئے ۔سعودی میڈیا کے مطابق سعودی محکمہ موسمیات نے بتایا کہ طائف شہر میں ہونے والے بارشوں کے پیش نظر مکہ مکرمہ سے ملانے والی شاہراہ الہدیٰ ہائی وئے پر ٹریفک جزوی طور پر معطل کردی گئی۔محکمہ موسمیات نے مکہ مکرمہ کے میدانی علاقے اور مدینہ منورہ سمیت مغربی علاقوں کے بالائی علاقوں میں گرج چمک کے ساتھ بارشوں کی پیش گوئی کردی ہے۔محکمہ شہری دفاع نے بارشوں کے دوران نشیبی علاقوں، جوہڑ اور نالوں میں جانے سے خبردار کیا ہے۔ شہری دفاع نے جدہ اور مکہ مکرمہ کے درمیان واقع ٹاون الجموم میں برساتی نالے میں محصور ہونے والے چار افراد کو بچالیا۔