نئی دہلی (این این آئی) گزشتہ دنوں سماجی رابطوں کی ویب سائٹس پر ایک تصویر گردش کر رہی ہے جس میں بھارتی صدر پرناب مکھرجی، وزیراعظم نریندری مودی اور نئی دہلی کے وزیراعلیٰ اروند کجروال کو اکھٹے بیٹھے دکھایا گیا ہے۔ اس تصویر کے نیچے تینوں شخصیات کی ماہانہ تنخواہیں درج کی گئی ہیں جس کے بعد سوشل میڈیا پر بحث چھڑ گئی ہے کہ آخر ان تینوں بھارتی رہنماؤں کی ماہانہ تنخواہ کتنی ہے؟بھارتی میڈیا کے مطابق اس تصویر میں دکھایا گیا ہے کہ بھارتی صدر کی ماہانہ تنخواہ ایک لاکھ ساٹھ ہزار روپے، وزیراعظم مودی ڈیڑھ لاکھ روپے جبکہ کجروال ان سے کئی زیادہ ماہانہ تین لاکھ ساٹھ ہزار تنخواہ وصول کرتے ہیں۔ سوشل میڈیا کے عام صارف کے ذہن میں اس تصویر کو دیکھ کر یہ سوال اٹھتا ہے کہ صدر اور وزیراعظم کا عہدہ وزیراعلیٰ سے بڑا ہوتا ہے تو ایسا کیوں ہے کہ ان کی تنخواہیں کم اور اروند کجروال کی زیادہ ہے؟۔ دراصل اس تصویر کا مقصد مذکورہ دونوں شخصیات کو دیانتدار اور وزیراعلیٰ کجروال کو بدیانت اور کرپٹ ظاہر کرنے کی ناکام کوشش ہے۔بھارتی میڈیا رپورٹس کے مطابق صدر پرناب مکھرجی کی ماہانہ تنخواہ ڈیڑھ لاکھ روپے ہے جبکہ دیگر اخراجات، صدارتی رہائش گاہ کی مرمت اور دیگر کاموں کیلئے انھیں سالانہ 22 کروڑ روپے جاری کئے جاتے ہیں۔ نریندر مودی کی بنیادی تنخواہ 50 ہزار، مہنگائی الاؤنس 3 ہزار روپے، ڈیلی الاؤنس 2 ہزار روپے جبکہ کونسیٹونسی فنڈ 45 ہزار روپے ماہانہ ہے۔ اگر اس کو ٹوٹل کیا جائے تو بھارتی وزیراعظم نریندر مودی کی ماہانہ تنخواہ ایک لاکھ اٹھاون ہزار روپے بنتی ہے۔بھارتی میڈیا کے مطابق نئی دہلی کے وزیراعلیٰ اروند کجروال کی بنیادی تنخواہ 20 ہزار روپے، کونسٹیونسی فنڈ 18 ہزار روپے، مہنگائی الاؤنس 4 ہزار جبکہ ڈیلی الاؤنس ایک ہزار روپے ہے۔ یوں ان کی ماہانہ تنخواہ 72 ہزار روپے بنتی ہے۔