ٹوکیو(نیوز ڈیسک) جاپان میں امریکا کے فوجی اڈے کے خلاف دارالحکومت ٹوکیو میں پارلیمنٹ ہاوس کے باہر ہزاروں افراد نے مظاہرہ کیا۔شہریوں نے قطارمیں کھڑے ہوکر ہاتھوں میں ہاتھ ڈال کر انسانی زنجیر بنائی،جاپان کے جنوبی جزیرے اوکیناوا میں امریکاکا نیا فوجی اڈہ بنانے کا منصوبہ ہے۔ غیر ملکی میڈیا کے مطابق 28ہزار کے قریب جاپانی شہریوں نے انسانی زنجیر بنا کرپارلیمنٹ ہاوس کو گھیرے میں لے لیا،نئے امریکی فوجی اڈے کے خلاف مظاہرے میں شریک لوگوں نے ہاتھوں میں کتبے بھی اٹھارکھے تھے جن پر ”اوکیناوا میں مزید امریکی اڈے نہیں چاہئیں“ اور ”اوکیناوا کی مرضی کا احترام کیا جائے“ نعرے درج تھے۔مظاہرین نے اوکیناوا جزیرے کی حمایت میں نیلی شرٹس پہن رکھی تھیں، پورے جاپان کی نسبت جزیرہ اوکیناوا پر 75 فیصد امریکی فوجی تنصیبات ہیں۔