ممبئی(نیوزڈیسک) آپ نے یہ کہاوت توسنی ہوگی کہ پیسہ ہاتھ کی میل ہوتاہے ایساہی کچھ معاملہ ایک بھارتی کروڑ پتی کے ساتھ پیش آیاہے جوپہلے چھ ہزارروپے ماہانہ کماتاتھالیکن ایک بھارتی ٹاک شومیں اپنی ذہانت استعمال کرکے پانچ کروڑ کامالک بن گیالیکن شاید یہ رقم اس کے نصیب میں توتھی لیکن اس کااستعمال اس کے نصیب میں نہیں تھا۔بھارتی میڈیا کے مطابق سشیل کمار نے کون بنے گا کروڑ پتی کے سیزن فائیو میں اپنی ذہانت کے بدولت 5 کروڑ کی رقم جیتی تھی لیکن اب اس نے بتایاہے کہ میں کنگال ہو گیا ہوں۔ کیا آپ اندازہ کر سکتے ہیں کہ سشیل کمار کو 5 کروڑ کی رقم پر بھارتی حکومت کو کتنا ٹیکس ادا کرنا پڑاجان کرآپ سرپکڑکربیٹھ جائیں گے ۔سشیل کمارنے بتایاکہ
بھارتی حکومت نے تین کروڑ 6 لاکھ کی رقم انکم ٹیکس کے نام پر اس سے لی جبکہ باقی رقم کے بارے میں سشیل کمار نے بتایا کہ ان میں سے زیادہ تر رقم مکان بنانے میں لگ گئی۔ اس مکان میں اس کے ماں باپ کے علاوہ اس کے چار بھائیوں کا پورا کنبہ رہائش پذیر ہے۔ کچھ رقم سے اس نے اپنی والدہ کے نام پر پلاٹ خرید لیا جبکہ باقی بچے پیسے اس نے اپنے بھائی کو دے دیئے تاکہ وہ اپنا کاروبار شروع کر سکے۔ سشیل کمار اب سکول ٹیچر بننے کے بارے میں سوچ رہا ہے تاکہ اپنے گھروالوں کی کفالت کرسکے ۔