سعودی عرب (نیوز ڈیسک) سعودی پاسپورٹ ڈیپارٹمنٹ نے پانچ سالوں کیلئے اقامہ جاری کرنے کااعلان کردیا ہے. جس کااطلاق نئے اسلامی سال کے پہلے دن سے ہوگا۔کمپنیاں اور غیرملکی اپنے اقامہ کی سالانہ آن لائن ہی تجدید بھی کروا سکیں گے. اس کے لیے دفاتر کے چکر لگانے کی ضرورت نہیں ۔ اگراقامے کی تجدید کروائی جاتی ہے یا پھر اپنا کفیل تبدیل کیاجاتاہے تو پرانا کارڈ واپس کرناہوگا۔ جعل سازی کی روک تھام کیلئے ان میں مقناطیسی سٹرپس لگی ہیں تاہم ان پر کوئی تاریخ تنسیخ نہیں لکھی گئی اورلفظ اقامہ کے متبادل کے طورپراس نئے کارڈ کیلئے مقیم شخص کی شناخت کالفظ استعمال کیاگیاتاہم اس کیلئے بھی وہی فیس لاگوہوگی۔عرب میڈیا کے مطابق نیا کارڈ متعارف کرانا ای سروسز پروگرام کا حصہ ہے ۔ڈائریکٹوریٹ کاکہناتھاکہ ملک سے جانے، دوبارہ آنا یا پکے پکے جانے یا اقامتی کارڈ کی تجدید سے متعلق ’مقیم ای پورٹل‘ کابراہ راست پاسپورٹ ڈیپارٹمنٹ سے الیکٹرانکلی رابطہ ہے ۔