واشنگٹن(نیوزڈیسک)امریکا کے سابق نائب صدر ڈک چینی نے بڑی طاقتوں کے ایران کے ساتھ جوہری معاہدے کو پاگل پن قرار دیتے ہوئے کہاہے کہ صدر براک اوباما ایران کو امریکا کو تباہی سے دوچار کرنے کے لیے براہ راست مسلح کرنے کے ذمے دار ہوں گے،ایک انٹرویومیں انہوں نے کہاکہ اس جوہری سمجھوتے سے ایران کو ایسے ذرائع میسر آئیں گے کہ وہ امریکی سرزمین پر ایک جوہری حملہ کرسکیں۔انھوں نے کہا کہ میں یہ جانتا ہوں کہ دنیا میں ایسی کوئی قوم نہیں ہے جس نے اپنی تباہی کے ذرائع خود ہی ایک ایسی دوسری قوم کے حوالے کردیے ہوں جو اس کی دشمن ہے۔