نئی دہلی(نیوزڈیسک) بھارتی فوج کے شمالی کمان کے سربراہ لیفٹیننٹ جنرل ڈی ایس ہودا نے کہا ہے کہ لائن آف کنٹرول کی باڑ کو اسرائیل کی مدد سے ہائی ٹیک باڑ میں تبدیل کردینگے،کارگل جنگ سے پہلے ہمارے پاس یہاں صرف ایک بریگیڈ تھا لیکن اس کے بعد ہم نے اس جنگ سے سبق سیکھتے ہوئے اب پورا ڈویژن تعینات کردیاہے۔ داعش مقبوضہ جموں کشمیر میں اپنے قدم جما رہی ہے۔ ان خیالات کااظہار انہوں کارگل جنگ میں مارے جانیوالے ہونے والے بھارتی فوجیوں کی یاد میں منعقدہ تقریب سے خطاب کرتے ہوئے کیا۔ بھارتی میڈیا کے مطابق ڈی ایس ہودا نے پاکستان پر الزام عائد کرتے ہوئے کہاکہ لائن آف کنٹرول کے اس پار سے دراندازی میں کوئی کمی واقع نہیں ہوئی ۔امسال مقبوضہ وادی سے 250سے 300جبکہ جموں سے 150دراندازی کے واقعات ہوئے۔ پاکستان کے بھارتی جاسوس ڈرون کے مار گرانے کے ایک سوال کے جواب میں ہودا نے کہا کہ یہ ایک کھلونے کی طرح کا ڈرون تھا جس میں بہت محدود ایپلی کیشن ہوتی ہیں ۔اس میں ایک عام کیمرہ نصب ہوتاہے اور صرف 15منٹ تک پرواز کرسکتا ہے