دبئی(نیوز ڈیسک) دبئی کی ایک لیگل فرم، جو طلاق کے کیسز کو ہینڈل کرتی ہے، نے انکشاف کیا ہے کہ متحدہ عرب امارات میں 85فیصد جوڑوں میں طلاق کی وجہ بے وفائی ہے۔ ٹی ڈبلیو ایس لیگل کنسلٹنٹس کی منیجنگ پارٹنر نیتا میرو کا کہنا ہے کہ ہمارے پاس طلاق کے جتنے بھی کیس آئے ان میں 85فیصد ایسے تھے جن میں ایک فریق نے دوسرے پر بے وفائی کا الزام عائد کرتے ہوئے اس سے طلاق کا مطالبہ کیا۔
لاءفرم نے اپنی رپورٹ میں بتایا ہے کہ اپنے لائف پارٹنر سے بے وفائی کی کئی وجوہات ہیں جن میں چند بڑی وجوہات میں اپنے پارٹنر کی طرف سے ازدواجی اور جنسی عدم اطمینان، جسمانی لذت کا نشے کی طرح عادی ہونا، سوشل میڈیا اور جنرل لائف سٹائل شامل ہیں۔دبئی میں گزشتہ سال اوسطاً روزانہ 11لوگ شادی کے بندھن میں بندھتے رہے اور 4جوڑوں میں طلاق ہوتی رہی۔2014ء میں گزشتہ سال کی نسبت طلاق کی شرح میں 38فیصد اضافہ ہوا، 2013ء میں 1257جوڑوں میں طلاق ہوئی تھی۔ رپورٹ کے مطابق خطے میں یو اے ای میں طلاق کی شرح سب سے زیادہ ہے۔