برمنگھم(نیوزڈیسک )برطانیہ کے وزیراعظم ڈیوڈ کیمرون نے کہاہے کہ اسلامی شدت پسندی کیخلاف جنگ ہماری نسل کی جنگ ہے، برطانوی اقدارمشترکہ ہیں اوراب ثقافتی حساسیت کی بنیادپرآنکھیں بندنہیں کی جائیں گی۔انھوں نے برمنگھم میں خطاب کرتے ہوئے کہا کہ مسلمان سازشی نظریات کی مذمت، تشددمستردکرنے اوراسلام کی غلط توجیح کرنیوالوں کوشکست دینے کیلیے حکومت کی مددکریں۔
کیمرون نے کہا کہ انتہاپسندی متشددہو یا غیرمتشدد، ہمیں اسے شکست دینی ہے اورایسامسلمان رہنماں، والدین، علما اورٹیچرزکی مددکے بغیرممکن نہیں۔ ڈیوڈ کیمرون نے کہا کہ داعش کوبیرون ملک شکست دی جائیگی، اس کیلیے برطانوی فضائیہ شام اورعراق میں حملے کررہی ہے۔