ماہرِ فلکیات کا کہنا ہے کہ ایک کروز شپ کے حجم کا سیارچہ ویلز کے آسمان پر دیکھا جا سکے اور یہ نظارہ 200 سال میں ایک بار ہی دیکھا جا سکتا ہے۔
ماہرِ فلکیات کے مطابق یہ سیارچہ زمین سے ایک کروڑ بیس لاکھ کلومیٹر کے فاصلے سے گزرے گا۔ تاہم فلکیات اصطلاح میں یہ سیارچہ زمین کے بہت قریب سے گزرے گا۔
ماہرِ فلکیات جوناتھن پاول کا کہنا ہے کہ یہ بہت نایاب نظارہ ہو گا۔ پاول کے مطابق اس سیارچے کو شام آٹھ بجے جی ایم ٹی کو مشتری اور روشن ستارے سریئس کے درمیان دیکھا جا سکے گا۔
ان کا کہنا ہے کہ ماہرِ فلکیات میں سیارچے 2004 BL86 کے اس نظارے کے باعث کافی ہلچل ہے۔
پاول کا کہنا ہے ’سیارچے زمین کے قریب سے روز ہی گزرتے ہیں لیکن اس میں دلچسپی زیادہ اس لیے ہے کہ یہ کافی بڑا ہے۔ اور دوسری بات یہ کہ یہ رات کے وقت گزرے گا۔‘
ان کا مزید کہنا ہے ’زیادہ تر سیارچے اتنے چھوٹے ہوتے ہیں کہ ان کو کم درجے کی ٹیلیسکوپ سے بھی نہیں دیکھا جاسکتا۔ لیکن اس سیارچے کو عام سی دور بین سے بھی دیکھا جا سکے گا۔
پاول کا کہنا ہے کہ یہ سیارچہ زمین اور چاند کے درمیان فاصلے سے تین گنا فاصلے سے گزرے گا۔
انھوں نے بتایا کہ آسمان پر یہ سیارچہ ایسا لگے گا جیسے بہت سست رفتاری سے سفر کر رہے ہے اور تمام چیزوں کی مخالف سمت میں سفر کر رہا ہے۔
امریکی خلائی ایجنسی ناسا کا کہنا ہے کہ یہ سیارچہ بہت قریب سے گزرے گا اور اس کے ب سنہ 2027 میں اتنے کم فاصلے سے گزرے گا۔
