کرکٹ ورلڈ کپ کی تاریخ میں کچھ ایسے غیر یقینی کیچ ہیں جنہوں نے تاریخ میں اپنا خوب نام بنایا۔
ورلڈ کپ 1992ء میں بھارتی کھلاڑی اجے جدیجہ نے انگلش بلے باز ایلن بارڈر کا بہترین کیچ تھام کر سب کو حیران کر دیا۔ 1996ء کے عالمی کپ میں نیوزی لینڈ کے آل راؤنڈر شین تھومسن نے ہوا میں اچھل کر پاکستانی بیٹسمن عامر سہیل کا ایک غیر یقینی کیچ پکڑا۔ ویسے تو آسٹریلین بلے باز مارک وا نے اپنے کیرئیر کے دوران بہت سے بہترین کیچز پکڑے لیکن 1999ء میں پاکستانی بلے باز وجاہت اللہ واسطی کا سلپ میں مشکل ترین کیچ پکڑ کر خوب داد بٹوری۔ اپنی بہترین فیلڈنگ سے دنیائے کرکٹ میں شہرت کمانے والے جنوبی افریقی سٹار جونٹی روڈز نے ورلڈ کپ میں انگلینڈ کیخلاف ایک عظیم کیچ پکڑ کر خوب نام کمایا۔ برموڈا کے 127 کلو گرام وزن کے بھاری بھر کم ڈیون ایوروک نے بھارت کے خلاف 2007ء میں ایک عمدہ کیچ پکڑ کر دنیائے کرکٹ کو حیران کر دیا۔
