لاہور( نیوز ٹو ڈے )این اے ایک سو بائیس کے کئی تھیلوں کی سیلز ٹوٹی ہوئی تھیں، انکوائری کمیشن کے جج کا بیان قلمبند ، الیکشن ٹربیونل کے باہر ن لیگ اور تحریک انصاف کے کارکنوں کی نعرے بازی۔ این اے ایک سو بائیس میں دھاندلی کے خلاف کیس کی سماعت کے موقع پر پی ٹی آئی اور ن لیگ کے کارکن پھر آمنے سامنے ہوگئے اور شددید نعرے بازی کرتے رہے۔ ٹربیونل کے روبرو انکوئری کمیشن نے اپنا بیان قلمبند کروا دیا۔ انکوائری کمیشن کے جج غلام حسین اعوان نے کہا کہ این اے ایک سو بائیس کا مکمل آڈٹ کیا گیا جس میں انتحابی بے ضابطگیاں پائی گئی ہیں جبکہ متعدد تھیلوں کی سیلیں بھی ٹوٹی ہوئیں تھیں۔ سردار ایاز صادق کے وکیل نے کمیشن کے بیان پر اپنی جرح مکمل کر لی اور میڈیا سے گفتگو کرتے ہوئے کہا کہ این اے 122 میں دآندلی ثابت نہیں ہوئی۔ عمران خان کے وکیل کے مطابق انکے لگائے گئے الزمات کی تصدیق ہو گئی ہے ، این اے ایک سو بائیس میں بڑے پیمانے پر دھاندلی ہوئی۔ لوکل کمیشن کے بیان کے بعد ٹرابیونل نے سماعت 31 جنوری تک ملتوی کرتے ہوئے سردار ایاز صادق کو اپنی شہادت پیش کرنے کی ہدایت کر دی۔