کراچی۔۔۔۔۔۔ فرانس کے رسالے میں گستاخانہ خاکوں کی اشاعت کے خلاف کراچی میں مذہبی تنظیموں کی جانب سے ایک ریلی نکالی گئی جس میں اسلامی ممالک کی تنظیم (او آئی سی) اور اقوام متحدہ سے ان خاکوں کی اشاعت کے خلاف ایکشن لینے کا مطالبہ کیا گیا۔جمعرات کو ایم اے جناح روڈ پر نمائش چورنگی سے تبت سینٹرتک ‘میں صدقے یارسول اللہ ‘ کے نام سے ریلی نکالی گئی، جس کی سربراہی سنی تحریک (ایس ٹی) کے سربراہ ثروت اعجاز قادری نے کی۔شرکائ سے خطاب کرتے ہوئے سنی تحریک کے رہنما ثروت اعجاز قادری نے زور دیا کہ عرب لیگ اور اُمت سلمہ متحد ہوکر گستاخانہ خاکوں کے خلاف ردعمل ظاہر کریں۔جبکہ ممتاز عالم دین شاہ تراب الحق قادری نے وزیراعظم نواز شریف پر زور دیا کہ وہ فرانس جاکر اپنا حتجاج ریکارڈ کروائیں۔اس سے قبل دیگرمقررین نے خطاب کرتے ہوئے کہا کہ تاریخ میں جب بھی کسی نے نبی صلی اللہ علیہ سلم کی شان میں گستاخی کی تو غازی علم دین سے لے اب تک کسی نہ کسی نے شاتم رسول کوکیفرکردار تک پہنچایا۔ریلی کے موقع پر سکیورٹی کے سخت انتظامات کیے گئے اور پولیس اور رینجرز کی بھاری نفری تعینات کی گئی تھی۔ ú ۔