نیویارک۔۔۔۔۔سماجی رابطے کی ویب سائٹ فیس بک نے اپنی میسنجر اپلیکشن کے لیے نیا فیچر متعارف کرادیا ہے جو کسی بھی آڈیو فائل کو تحریر کی شکل دے دیتا ہے۔اس فیچر میں آڈیو شکل میں بھیجا جانے والا پیغام فیس بک کا سسٹم سنتا ہے اور اس آڈیو فائل کے نیچے اس کا تحریری ورڑن بھی ٹائپ کردیتا ہے۔
فی الحال یہ فیچر آزمائشی بنیادوں پر کچھ افراد کے لیے متعارف کرایا گیا ہے۔فیس بک کی جانب سے جاری بیان میں بتایا گیا ہے کہ ہم ہمیشہ ہی اپنے میسنجر کو کارآمد بنانے کی کوشش کرتے رہتے ہیں اور فیس بک کی جانب سے اب نیا فیچر متعارف کرایا گیا ہے جس کے تحت لوگ اپنے دوستوں پیغام ٹائپ کیے بغیر آڈیو فائل بھیج سکتے ہیں جسے ہمارا سسٹم خودکار طور پر تحریری شکل دیدے گا۔بیان کے مطابق ابھی اس کی آزمائش کی جارہی ہے اور بہت جلد اسے دنیا بھر کے صارفین کے لیے متعارف کرادیا جائے گا۔
