لاہور۔۔۔۔ پاکستان عوامی تحریک کے سربراہ ڈاکٹر طاہرالقادری کا کہنا ہےکہ سانحہ ماڈل ٹا¶ن کے خون پر سمجھوتہ نہیں کریں گے اور انصاف لینے کے لیے آخری حد تک جائیں گے۔ ڈاکٹر طاہرالقادری نے کہا کہ پاکستانیوں کو انقلاب جھولی میں نہیں مل سکتا جبکہ میں اور عمران خان مل کر بھی اکیلے ملک میں انقلاب نہیں لاسکتے اس کے لیے جب تک قوم باہر نہ نکلے تب تک کامیابی نہیں مل سکتی۔ انہوں نے کہا کہ سانحہ ماڈل ٹا¶ن کے خون پر سمجھوتہ نہیں کریں گے، انصاف کی جنگ جاری رہے گی، چپ چاپ بیٹھنے کی بجائے انصاف کے حصول کے لیے آخری حد تک جائیں گے۔ ڈاکٹر طاہرالقادری کا کہنا تھا کہ سانحہ ماڈل ٹا¶ن کی ذمہ دار پنجاب حکومت ہے، ٹربیونل نے بھی شہبازشریف اور پنجاب حکومت کو قتل کا ذمہ دار قرار دیا، شہبازشریف ٹربیونل کی رپورٹ پر مستعفی کیوں نہیں ہوتے ہم ٹربیونل رپورٹ شائع نہ کرنے پر دوبارہ ہائی کورٹ جائیں گے۔ انہوں نے کہا کہ سانحہ ماڈل ٹا¶ن پر قاتلوں کی بنائی گئی مشترکہ تحقیقاتی ٹیم میں کیسے گواہی دیں ہم قاتلوں کی بجائے غیرجانبدار جے آئی ٹی چاہتے ہیں۔