کراچی۔۔۔۔ڈینگی بخار کے مچھروں کی نشاندہی کے لیے اب اسمارٹ موبائل فون استعمال کیے جائیں گے۔اسمارٹ موبائل فون سے ڈنگی مچھروں کی افزائش کے مقامات اور علاقوں کا پتہ لگایاجا سکے گا،اسمارٹ فون میں ڈنگی بخار میں مبتلا مریضوں کا مکمل ڈیٹا اور آن لائن سافٹ ویئر موجود ہوگا جس سے ڈیجیٹل میپنگ بھی کی جاسکے گی، تفصیلات کے مطابق شہر میں ڈنگی بخارکی وجہ بننے والے مچھروں کی افزائش کے مقامات اور مریضوں سمیت دیگر معلومات کی ڈیجیٹل میپنگ کے لیے انسداد ڈنگی پروگرام (ڈنگی پریوینشن اینڈکنٹرول پروگرام سندھ) نے 42 اسمارٹ موبائل فون حاصل کرلیے ہیں۔
جوجلد ہی تمام فوکل پرسنزکے حوالے کر دیے جائیں گے، اسمارٹ فون کے ذریعے ڈنگی بخار کی وجہ بننے والے مچھرکے لاروے کی افزائش والی جگہوں اور علاقوں کی نشاندہی کی جاسکے گی جن علاقوں سے ڈنگی کے مریض رپورٹ ہوں گے ان کی تفصیل بھی ا ن لائن رکھی جائیں گی، اسمارٹ فون میں تمام معلومات کے ڈیٹا کا سافٹ ویئر بھی موجود ہوگا اس سلسلے میں ڈیفنس سائنس اینڈ ٹیکنالوجی ا رگنائزیشن لیبارٹری کا انسداد ڈنگی پروگرام سے معاہدہ طے پایا ہے، لیبارٹری میں مچھروں کے لاروے کی اقسام جاننے کیلیے تجزیہ کیا جائے گا، ابتدائی طور پر معاہدہ 4 ماہ کیلیے کیاگیا ہے جسے بعد میں توسیع دی جائیگی۔
انسداد ڈنگی پروگرام نے مفاہمتی معاہدے کے لیے سپارکوکے کو بھی درخواست دی ہے جس کا مثبت جواب نہیں ا یا، ذرائع کے مطابق اسمارٹ فون پہلے مرحلے میں کراچی کے فوکل پرسن اور متعلقہ افسران کودیے جائیں گے ، ابتدائی طورپرکراچی کے 6 اضلاع کے علاوہ حیدرا باد، میرپورخاص، ٹھٹھہ اور لاڑکانہ میں اسمارٹ فونزکے ذریعے ڈنگی کی ڈیجیٹل میپنگ کی جائے گی، ذرائع کے مطابق انہی اضلاع میں ڈنگی کے کیسز سب سے زیادہ رپورٹ ہورہے ہیں گزشتہ سال ڈنگی بخار سے17 مریض جاں بحق ہو ئے تھے جبکہ سندھ بھر میں اس بخار میں مبتلا ہونے والے مریضوں کی تعداد 1300 کے قریب تھی۔
سمارٹ موبائل فون ڈینگی بخار سے بچائیں گے
17
جنوری 2015
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں