پاکستانی ٹیلیویژن کی باصلاحیت معروف اداکارہ صنم سعید نے اپنے بچپن کے دوست فرحان حسن سے شادی کرلی۔
زندگی گلزار ہے سے شہرت حاصل کرنے والی صنم سعید کے شوہر فرحان حسن کراچی سے تعلق رکھنے والے ایک بینکر ہیں۔
ماڈلنگ کی دنیا سے اداکاری کے شعبے میں آنے والی صنم سعید نے متعدد کامیاب ڈراموں جیسے دام، متاع جاں ہے تو، میرا نصیب اور قدرت سمیت دیگر میں کام کیا۔
صنم سعید اب ٹی وی کی دنیا سے نکل کر فلموں کا رخ کررہی ہیں اور رواں سال ڈائریکٹر انجم شہزاد کی فلم ماہ میر سے ڈیبیو کررہی ہیں جس میں فہد مصطفیٰ اور ایمان علی بھی کاسٹ کا حصہ ہیں۔