سان فرانسسکو۔۔۔۔سماجی رابطے کی مشہور ویب سائٹ فیس بْک نوجوانوں میں اپنی مقبولیت کھوتی جا رہی ہے۔ ذرائع ابلا غ کے مطابق ایک حالیہ رپورٹ میں بتایا گیا کہ امریکا میں 13 سے 17 سال کے نوجوان فیس بْک صارفین کی تعداد 2012ء4 میں 95 فیصد اور 2013ء4 میں 94 فیصد سے مزید کم ہو کر رواں سال 88 فیصد ہوگئی ہے۔ رپورٹ کے مطابق اس عرصہ کے دوران ان نوجوانوں میں ٹویٹر اور دوسری میسجنگ اپلیکیشنز کی مقبولیت میں اضافہ ہوا۔ رپورٹ میں مزید بتایا گیا کہ 13 سے 17 سال کی عمر کے نوجوانوں میں ٹویٹر کا استعمال 2 فیصد بڑھ کر 48 فیصد ہوگیا ہے۔ کیلیفورنیا سے کام کرنے والی ایک کمپنی نے ایک سال پہلے خبردار کیا تھا کہ نوجوان اب پہلے کی طرح فیس بْک استعمال نہیں کر رہے۔ فیس بْک کے چیف ایگزیکٹیو آفسر مارک ذکربرگ صارفین کو فیس بْک ایپلیکیشنرز سے بڑھ کر مزید پراڈکٹس دینے کیلئے مصروف ہیں۔ انہوں نے 2012ء4 میں تصاویر شیئر کرنے کی مشہور اپلیکیشن کو ایک بلین ڈالرز سے کم میں خریدا تھا۔ اسی طرح رواں سال فیس بْک نے میسجنگ ایپ کو خریدنے کیلئے 18 بلین ڈالرز خرچ کئے۔ سٹی گروپ کے اندازوں کے مطابق کی مالیت 35 بلین ڈالرز تک پہنچ چکی ہے اور اس کی خریداری سے فیس بْک کو فائدہ پہنچا۔