فیصل آباد۔۔۔۔۔ عام انتخابات 2013 میں مبینہ دھاندلی کے خلاف احتجاج کرنے والی جماعت پاکستان تحریک انصاف (پی ٹی اآئی) کی جانب سے پیر کو پنجاب کے شہر فیصل آباد میں احتجاج کیا جا رہا ہے۔فیصل آباد میں پاکستان تحریک انصاف کے کارکنان نے الائیڈ چوک، ناولٹی چوک اور ملت روڈ کو بند کرنے کی کوشش کی ہے۔الائیڈ چوک پر سڑکوں پر ٹائروں کو آگ لگائی گئی اور پی ٹی آئی کی چند خواتین موٹر سائیکل سواروں کو روکنے کی کوشش کرتی نظر آئیں۔ناولٹی چوک اور ملت روڈ پر بھی ٹریفک کو روکنے کی کوشش کی گئی۔فیصل آباد کے تین مئتلف مقامات پر پی ٹی آئی اور مسلم لیگ نواز کے کارکنان میں تصادم ہوا ہے جبکہ پولیس دونوں کارکنان کو دور رکھنے کی کوشش کر رہی ہے۔دونوں جماعتوں کے کارکنان ایک دوسرے پر پتھر پھینک رہے ہیں۔ایک دکاندار کا کہنا تھا ’مجھے اس احتجاج اور سیاسی جماعتوں سے کیا غرض میں نے تو اپنے خاندان والوں کے لیے کھانا لے کر جانا ہوتا ہے۔‘نامہ نگار کے مطابق ایک جگہ پر مسلم لیگ نواز کا کارکنان پی ٹی آئی کی کارکنان کو دھکے دیتے ہوئے نظر آئے۔ تاہم فیصل آباد میں کاروبار کھلے ہوئے ہیں۔انتظامیہ نے کسی بھی ناخوشگوار صورتحال سے نمٹنے کے لیے شہر کے مختلف مقامات پر پولیس کی بھاری نفری تعینات کردی ہے ملت روڈ پر پی ٹی آئی اور مسلم لیگ نواز کے کارکنان آمنے سامنے آ گئے اور ایک دوسرے کے خلاف نعرے بازی کر رہے ہیں۔ تاہم پولیس صورتحال پر قابو پانے کی کوشش کر رہی ہے۔فیصل آباد میں واقع گھنٹہ گھر کے آس پاس پاکستان تحریک انصاف اور مسلم لیگ نواز دونوں نے اپنے اپنے موقف کے حق میں پوسٹرز اور بینرز آویزاں کیے ہیں۔انتظامیہ نے کسی بھی ناخوشگوار صورتحال سے نمٹنے کے لیے شہر کے مختلف مقامات پر پولیس کی بھاری نفری تعینات کردی ہے۔عام انتخابات 2013 میں مبینہ دھاندلی کے خلاف احتجاج کرنے والے عمران خان نے چند روز قبل اسلام آباد میں ریڈ زون میں واقع ڈی چوک پر جاری دھرنے میں ’پلان سی‘ کا اعلان کیا تھا۔
اس پلان کے تحت ملک کے مختلف شہروں کو بند کرایا جائے گا۔ اس پلان کا آغاز فیصل آباد سے کیا گیا ہے۔
پاکستان تحریک انصاف کے چیئرمین عمران خان کا کہنا ہے کہ کاروبار زبردستی بند نہیں کرائے جائیں گے۔
انھوں نے کہا کہ اگر لوگ سمجھتے ہیں کہ سب ٹھیک چل رہا ہے تو وہ کاروبار بند نہ کریں۔
دوسری جانب پلان سی کے آغاز پر پبلک ٹرانسپورٹ کے مالکان نے تحریک انصاف کی احتجاج کی کال مسترد کرتے ہوئے سڑکوں پر ٹرانسپورٹ لانے کا اعلان کیا ہے۔
ایک پریس کانفرنس میں پبلک ٹرانسپورٹ کے نمائندوں نے کہا کہ وہ مسافروں کا تحفظ یقینی بنائیں گے