سرینگر۔۔۔۔ مقبوضہ کشمیر میں بھارتی فوج کا کہنا ہے کہ فوجی کیمپ پر حملے کے نتیجے میں تین مبینہ شدت پسند اور دو پولیس اہلکار ہلاک ہوئے ہیں۔بھارتی فوج کا کہنا ہے کہ یہ واقعہ اس وقت پیش آیا جب مسلح افراد نے ایک فوجی کیمپ پر حملہ کیا۔بھارتی فوج کے مطابق مسلح افراد نے فوجی کیمپ پر جمعہ کی صبح حملہ کیا۔
اطلاعات کے مطابق مسلح افراد فوجی کیمپ میں داخل ہونے میں کامیاب ہوئے اور سکیورٹی فورسز پر فائرنگ کر دی۔بھارتی فوج کا کہنا ہے کہ وہ ابھی بھی ایک حملہ آور کی تلاش میں لگے ہوئے ہیں جو کیمپ کے اندر موجود ہے۔یہ حملہ ایسے وقت ہوا ہے جب بھارت کے زیر انتظام کشمیر میں انتخابات ہو رہے ہیں۔