چین میں ایک خاتون نے اپنے نومولود بچے کو کھانے کی کوشش کی تاہم ہسپتال انتظامیہ کی مداخلت پر اسے بچالیا گیا۔
ہسپتال کی ایک نرس نے 24 سالہ لی ژنگھوا کو اپنے شیر خوار بچے کو بازوؤں پر دانت گڑاتے ہوئے دیکھا جس پر اس نے الارم بجادیا اور ہسپتال انتظامیہ بچے کو ماں سے دور کرنے کی کوشش میں مصروف ہوگئی۔
تاہم ماں نے بچے کو اور مزید مضبوطی سے پکڑلیا جس پر ڈاکٹروں کو بے ہوش کردینے والی ادویات کا استعمال کرنا پڑا۔
یہ واقعہ چین کے صوبے گھوانڈونگ کے شہر شینزن کے ہسپتال میں پیش آیا۔ اس خاتون پر ذہنی طور پر معذور ہونے کا شبہ ظاہر کیا جارہا ہے۔
ہسپتال کے ترجمان کے مطابق یہ ایک حیران کن واقعہ تھا جبکہ بچے کے ہاتھوں پر گہرے زخم آئے ہیں اور کاٹنے کے نتیجے میں اس کا خون بھی بہنے لگا۔
انہوں نے بتایا کہ خوش قسمتی سے ڈاکٹر دانتوں اور بچے کے ہاتھ درمیان کچھ داخل کرنے میں کامیاب رہے جس کے باعث نضبتاً کم چوٹیں لگیں۔
ان کا مزید کہنا تھا کہ ماں کو بے ہوش کرنے والی دوا کے استعمال سے بے ہوش کیا گیا اور بچے کو محفوظ مقام پر لے جایا گیا۔
متاثرہ خاتون کے اہل خانہ سے رابطہ کرنے کی کوشش کی جارہی ہے تاہم ان سے رابطہ نہیں ہورہا جبکہ حکام تحقیقات کررہے ہیں کہ آیا اس بچے کو اس خاتون کے حوالے کرنا درست ہے یا پھر اسے انتظامیہ کے حوالے کیے جانا چاہیے۔
