لاہور۔۔۔۔ وفاقی وزیر منصوبہ بندی احسن اقبال نے کہا ہے کہ عمران خان اپنی مذاکراتی ٹیم کو مینڈیٹ دیں تو نتیجہ خیز بات ہوسکتی ہے۔لاہور میں میڈیا سے بات کرتے ہوئے احسن اقبال کا کہنا تھا کہ چیئرمین تحریک انصاف لائحہ عمل کا اعلان پارٹی رہنماؤں سے مشاورت کے بغیر کرتے ہیں اور اپنی ہی ٹیم کے فیصلوں کو ویٹو کردیتے ہیں، اگر وہ اپنی مذاکراتی ٹیم کو مینڈیٹ دیں تو نتیجہ خیز مذاکرات ممکن ہیں۔ انہوں نے کہا کہ حکومت سیاسی بحران حل کرسکتی ہے لیکن تحریک انصاف صرف عمران خان کا نام ہے جس میں صرف ان کی کہی ہوئی بات کو حتمی تصور کیا جاتا ہے۔وفاقی وزیر منصوبہ بندی کا کہنا تھا کہ کراچی، لاہور اور فیصل ا باد ملکی برا مدات کا 80 فیصد سے زائد پیدا کرتے ہیں اور تحریک انصاف کی جانب سے احتجاج کے لئے ان تینوں شہروں کا چناؤ اس لئے کیا گیا کیوں پاکستان کے امپورٹر کو خوف زدہ کیا جاسکے جو کہ انتہائی خوفناک پہلو ہے۔ انہوں نے کہا کہ ہمسایہ ملک میں حکومت نے تیل کی قیمتوں میں کمی کا فائدہ عوام تک منتقل نہیں کیا بلکہ اسے اپنے پاس رکھا لیکن ہماری حکومت نے تیل کی قیمتوں میں کمی کا فائدہ اپنے بجٹ میں رکھنے کے بجائیعوام تک منتقل کیا۔