کراچی ۔۔۔۔کراچی کی ڈسٹرکٹ جیل ملیر سے سزائیں پوری کرنے والے 35 بھارتی ماہی گیروں اور ایک شہری کو رہا کر دیا گیا۔ بھارتی ماہی گیروں کو سمندری حدود کی خلاف ورزی پر دس ماہ پہلے گرفتار کیا گیا تھا جس پر عدالتوں سے انہیں سزائیں ہوئیں۔ ایدھی ٹرسٹ کی جانب سے رہائی پانیوالوں میں کپڑے اور ضروری اشیا تقسیم کی گئیں جبکہ عبدالستار ایدھی کے نواسے احمد ایدھی نے فی کس دس دس ہزار روپے دئیے۔ رہا ہونیوالے بھارتی ماہی گیروں کو ایدھی کی گاڑیوں میں لاہور روانہ کیا جا رہا ہے جہاں انہیں کل واہگہ بارڈر پر بھارتی حکام کے حوالے کیا جائے گا۔ 36 بھارتیوں کی رہائی کے بعد اس سال رہا ہونے والے بھارتی ماہی گیروں کی تعداد 189 ہو جائے گی۔ رہائی پانے والوں میں پانچ کم عمر اور ایک مسلمان شامل ہے۔