اسلام آباد۔۔۔۔ وفاقی وزیر اطلاعات پرویز رشید نے کہا ہے کہ چیئرمین تحریک انصاف عمران خان کے سپریم کورٹ میں جانے کا خیرمقدم کرتے ہیں اور امید ہے کہ وہ اب یوٹرن نہیں لیں گے۔پارلیمنٹ ہاؤس کے باہر میڈیا سے بات چیت کرتے ہوئے پرویز رشید کا کہنا تھا کہ عمران خان نے فیصلہ کیا ہے کہ فتنہ فساد کے بجائیقانون سیراستہ نکالیں گے، اگر ان کے پاس انتخابات میں دھاندلی سے متعلق ثبوت ہیں تو عدالتوں میں پیش کریں تاکہ حکومت بھی جواب دے سکے۔ انہوں نے کہا کہ پارلیمنٹ نے ائین بنایا اور ریاست اسی ا ئین کے مطابق چل رہی ہے، چیئرمین پی ٹی ا ئی پارلیمنٹ ا ئیں ان کی شکایات کا ازالہ کیا جائے گا۔وفاقی وزیر اطلاعات کا کہنا تھا کہ عمران خان چاہتے تھے کہ ان کی جانب سے لگائے گئے الزامات مان لئے جائیں لیکن اب ان کے رویے میں مثبت تبدیلی ا ئی ہے تاہم چاہتے ہیں کہ وہ شیشے کے گھر میں بیٹھ کر دوسروں پر پتھر نہ ماریں، پاکستان ایک مہذب ملک ہے جہاں قانون کی حکمرانی ہے۔ انہوں نے کہا کہ تحریک انصاف کے جلسے کے دوران ملک کا سب سے بڑا صنعت کار عمران کے بائیں کھڑا ہوتا ہے۔