ملتان۔۔۔۔پاکستان تحریک انصاف کے جنرل سیکریٹری جہانگیر ترین نے کہا ہے کہ ان کی جماعت ہر معاملے میں شفاف طریقے سے پیش آتی ہے اور پرویز رشید نے اگر اپنے الزامات پر معافی نہ مانگی تو وہ ان کے خلاف ہتک عزت کا دعویٰ دائر کریں گے۔ملتان میں پریس کانفرنس کے دوران تحریک انصاف کے جنرل سیکریٹری جہانگیر ترین کا کہنا تھا کہ عمران خان کی آواز پر قوم جاگ گئی ہے، جس سے حکمران بدہواس ہوکرالزام تراشی پر اتر آئے ہیں، تحریک انصاف ہر معاملے میں شفاف طریقے سے پیش آتی ہے اور وہ پرویز رشید کی جانب سے عائد کئے گئے الزامات کی تردید کرتے ہیں۔ انہوں نے کہا کہ گزشتہ روز پرویز رشید نے انہیں جے ڈی ڈبلیو کمپنی کا اقلیتی شیئرہولڈر قراردیا حالانکہ انہیں پہلے اس کی تحقیق کرنی چاہئے تھی وہ اس کمپنی کے اکثریتی شیئرزہولڈرہیں اور کمپنی انہوں نے اپنی محنت سے بنائی ہے۔تحریک انصاف کے جنرل سیکریٹری کا کہنا تھا کہ پرویز رشید ہم پرالزام لگانے سے پہلے اپنے گریبان میں جھانکیں، ہم کاشت کاروں کے پیسے دبا کر نہیں رکھتے اور انہوں نے جو قرضے لئے وہ وقت پر واپس کئے ہیں، اس کے علاوہ طیارے کے استعمال سے متعلق آڈیٹر رپورٹ بھی منگوائی ہے۔ ان کا کہنا تھا کہ پرویز رشید اپنے رہنماؤں کے اخراجات قوم کو بتائیں، پرویز رشید بتائیں کہ وہ کتنا خرچا کرتے ہیں اور حکومت میں آنے سے پہلے وہ کس کے طیارے پر سفر کرتے تھے اگر پرویز رشید نے اپنے الزامات واپس نہ لئے تو وہ ان پر ہتک عزت کا دعویٰ کریں گے۔واضح رہے کہ وفاقی وزیر اطلاعات پرویز رشید نے گزشتہ روز الزام لگایا تھا کہ عمران خان جہانگیر ترین کی کمپنی کے طیارے کا سیاسی استعمال کرتے ہیں اور اس طیارے کے اخراجات کمپنی ادا کرتی ہے
پرویز رشید نے معافی نہ مانگی تو ان کے خلاف ہتک عزت کا دعویٰ دائر کروں گا، جہانگیر ترین
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
جو نہیں آتا اس کی قدر
-
پولیس کانسٹیبل کے بری ہونےپر لڑکی کی خودکشی کی کوشش کا کیس نیا موڑ اختیار کرگیا، DNA لڑکی کے حقیقی چ...
-
ملازمین کی تنخواہوں، ہاؤس رینٹ اور پنشن میں اضافے کی منظوری
-
بڑی خوشخبری، اقامہ فیس ختم کرنے کی منظوری
-
محکمہ موسمیات نے بارشوں کی پیشگوئی کر دی
-
آسٹریلیا کا غیر ملکیوں کے ویزے بارے بڑا اعلان
-
رابی پیرزادہ نکاح کے بندھن میں بندھ گئیں، خوبصورت تصاویر وائرل
-
محکمہ موسمیات کی گرج چمک کے ساتھ بارش،برفباری کی پیشگوئی
-
اسرائیل اور ایران کے درمیان جنگ کی نئی خفیہ تفصیلات آگئیں
-
این ڈی ایم اے نے الرٹ جاری کر دیا
-
اب پاکستان فرسٹ نہیں سیکیورٹی فرسٹ ہوگا، اہم میٹنگ میں بڑے فیصلے کرلیے گئے
-
برسوں سے ملحد تھا، اب خدا پر یقین آگیا؛ ایلون مسک کا بڑا بیان
-
وفاقی سرکاری تعلیمی اداروں میں موسم سرما کی چھٹیوں کا اعلان
-
ڈیزل کی قیمتوں میں کمی کے بعد عوام کو ایک اور بڑا ریلیف















































