کراچی(این این آئی)شوبز انڈسٹری کی معروف اداکارہ حرا مانی نے کہاہے کہ شوہر مانی نے مجھ سے شادی کرکے احسان کیا ہے۔اداکارہ حرا مانی نے شوہر سلمان ثاقب شیخ المعروف مانی کے ساتھ نجی ٹی وی کے پروگرام میں شرکت کی اور مختلف موضوعات پر اظہار خیال کیا۔کامیڈین نے کہا کہ حرا واقعی معصوم ہیں کہ انہوں نے مانی سے شادی کرلی۔حرا مانی نے ازراہ مذاق کہا کہ اس پر تو لڑائی ہوگی آپ نے میرے شوہر کو ایسا کیسے کہا معافی مانگیں، میں آپ کو بتادوں کہ مانی نے مجھ سے شادی کرکے احسان کیا ہے۔
انہوں نے کہا کہ انہی کی وجہ سے میں حرا مانی کی وجہ سے پہچانی جاتی ہوں۔حرا مانی آن اسکرین کرداروں سے متعلق بات کرتے ہوئے کہا کہ ان سے پیسوں کی لالچ والا کردار ادا نہیں ہو پاتا، ہاں مگر حقیقت میں وہ پیسوں کی لالچ رکھتی ہیں،بس ٹی وی پر یہ کردار نہیں ہوتا۔اس پر شو کے میزبان نعمان اعجاز نے کہاکہ یہ بھی بہت بڑی بات ہے کہ حرا مانی نے آن ایئر ٹی وی پر اس بات کا اعتراف کیا ہے۔