کراچی (این این آئی)پاکستان کی معروف آٹو موبائل کمپنی ماسٹر چنگان موٹرز نے اپنی پک اپ M9 کو شیرپا کے نام سے منسوب کر دیا ہے۔ ماسٹر گروپ نے پاکستان کے عوام کی خدمت میں ہمیشہ فخر محسوس کیا ہے اور محمد علی سدپارہ نے ایک عام آدمی کی تعریف کو واضح کیا ہے۔ سدپارہ وہ واحد پاکستانی ہیں جس نے دنیا کی 14 بلند چوٹیوں میں سے 8 کو سر کیا۔ وہ اس ٹیم کا حصہ تھے

(جس میں اٹلی کے الپائنسٹ سائمن مورو شامل ہیں) جس نے 2016ء میں موسم سرما میں پہلی بار نانگا پربت کو سر کیا۔ بین الاقوامی کوہ پیما برادری کی جانب سے ان کی مثالی کوششوں کو سراہا جا رہا ہے اور انہیں پاکستان کے ہیرو کے طور پر ہمیشہ یاد رکھا جائے گا۔ سدپارہ کے ساتھیوں کے مطابق وہ ایک ایک ایسے کوہ پیما تھے جو کیل کی طرح سخت اور “بہت اچھے ساتھی”،  اپنی لچکدار طبع کی وجہ سے انہوں نے 148,000 میٹر چوٹیوں کو سر کرنے میں کامیابی حاصل کی اور پہاڑی راستوں پر بوجھ اٹھاتے ہوئے چوٹی سر کرنے کے خواہش مند لوگوں کو ان کے خوابوں کی تکمیل میں مدد فراہم کی۔ اسی طرح چنگان پک اپ M9 نے متعدد افراد اور کاروباری مالکان کو ایک جگہ سے دوسری جگہ نقل و حمل کے سامان کو محفوظ اور پائیدار طریقے سے منتقل کرنے میں مدد فراہم کی۔ لہذا محمد علی سدپارہ کی مہمات کی یاد میں اس گاڑی کو ’’شیرپا‘‘‘ کے نام سے منسوب کرنا مناسب سمجھا گیا۔