کراچی(سی پی پی ) قومی ائیر لائن نے ریٹائرڈ ملازمین کی پنشن میں اضافہ کردیا۔ترجمان پی آئی اے کے مطابق 6 سال سے زیر التوا پنشنوں میں اضافے کے معاملے کو حل کر دیا گیا ہے اور پنشن کی مد میں اوسطاً 15جب کہ زیادہ سے زیادہ 25 فیصد تک اضافہ کیا گیا ہے۔ترجمان نے بتایا کہ 30 برس قبل ریٹائر ہونے والے ملازمین کی پنشن میں 25 فیصد اور 20 برس قبل ریٹائرڈ ہونے والے

ملازمین کی پنشن میں 20 فیصد اضافہ کیا گیا ہے جب کہ 10 برس سے قبل ریٹائر ہونے والوں کی پنشن میں 15 فیصد اضافہ کیا گیا ہے۔ترجمان کے مطابق 10 برس سے کم مدت والے ریٹائرڈ ملازمین کی پنشن میں 10 فیصد اضافہ کیا گیا ہے، اس کے علاوہ بیوائوں کو تاحیات پنشن اضافے کے ساتھ ملے گی۔ترجمان پی آئی اے کا کہنا تھا کہ پنشن اضافے کا اطلاق یکم مئی 2019 سے ہوگا۔