اسلام آباد(این این آئی)وزیر اعظم کے مشیر برائے تجارت عبدالرزاق دائود نے کہا ہے کہ برٹش ایئر ویز اگلے مہینے کے آخر میں پاکستان کے لئے پروازوں کا آغاز کردیگا۔ جمعہ کو وزیر اعظم کے مشیر برائے تجارت عبدالرزاق دائود سے برطانوی ہائی کمشنر تھامس ڈریو نے ملاقات کی جس میں دوطرفہ تجارت
اور سرمایہ کاری کے فروغ کیلئے تبادلہ خیال کیا گیا ۔ مشیر تجارت نے کہاکہ ملک میں سرمایہ کاری کے فروغ کے لئے اہم اقدامات کر رہے ہیں ۔مشیر تجارت رزاق دائود نے کہاکہ کاروبار کرنے میں آسانیاں پیدا کر رہے ہیں ۔ انہوں نے کہاکہ برٹش ایئر ویز اگلے مہینے کے آخر میں پاکستان کے لئے پروازوں کا آغاز کردیگا۔
