کراچی(مانیٹرنگ ڈیسک) پاکستان اسٹاک ایکسچینج میں کاروباری ہفتے کے تیسرے روز مثبت کے بعد منفی رجحان 100 انڈیکس میں120 پوائنٹس کی کمی سے39ہزار568کی سطح پر بند ہوا۔ تفصیلات کے مطابق پاکستان اسٹاک ایکسچینج میں کاروباری ہفتے کے چوتھے روز مثبت آغاز کےبعد مندی کا رجحان دیکھا گیا پاک بھارت تعلقات اور ڈالر کی قیمت میں اضافے کی خبروں نے مارکیٹ پر منفی اثرات مرتب کیے۔ ہنڈرڈ انڈیکس

میں 120 پوائنٹس کی کمی کے بعد انڈیکس 39ہزار 568 جبکہ 30 انڈیکس 77 پوائنٹس کی کمی سے 18 ہزار 944 پر بند ہوا۔ دن بھر کمرشل بینکوں، سیمنٹ اور پاور جنریشن اینڈ ڈسٹریبیوشن کے سیکٹرز میں کاروباری سرگرمیاں دیکھی گئیں جس کے بعد 139 کمپنیوں کے حصص کی قیمتوں میں اضافہ اور 179 کمپنیوں کی قیمتوں میں کمی ریکارڈ کی گئی، آج 8 کڑور شئیرز کاروبار ہوا جن کی مالیت 3.39 ارب روپے رہی۔

موضوعات:پاکستان اسٹاک ایکسچینج