کراچی(این این آئی)مالی شمولیت اور چھوٹے و درمیانے کاروباری اداروں کی مدد کیلئے قائم ادارہ کارانداز پاکستان مرکزی نظامت قومی بچت (سی ڈی این ایس)کو ڈیجیٹائز کرنے کے منصوبے کیلئے 23لاکھ امریکی ڈالر کی گرانٹ جاری کریگا،ا س منصوبے کے تحت سی ڈی این ایس قومی بچت کے صارفین کو متبادل ڈلیوری چینلز(اے ٹی ایم، انٹرنیٹ اینڈ موبائل بینکنگ)فراہم کریگا، یہ ڈیجیٹائزیشن پروجیکٹ 77لاکھ سے زیادہ اکاونٹ
اور سرٹیفکیٹ ہولڈرز جن میں سے 38فیصد وہ افراد ہیں جن کی انفرادی سرمایہ کاری ایک لاکھ روپے سے کم ہے کو فراہم کی جانے والی خدمات کی لاگت کو کم کرے گااور قومی بچت کی کسٹمر بیس کو وسعت دیگا ،خصوصا خواتین جو کسٹمر بیس کے نصف سے بھی زائد ہیں،پراجیکٹ اکاونٹ اور سرٹیفکیٹ ہولڈرز کے ایک بڑے حصے کو مائیکرو پے منٹ گیٹ ویز سے منسلک اورنئے کسٹمرز کیلئے آسانیاں پیدا کریگااس کے ساتھ ایک تسلیم شدہ اور کامیاب ڈیجیٹائزیشن ماڈل تشکیل دیگا۔
