کراچی(این این آئی)ملک میں سونے کی خریداری میں اضافہ دیکھاجارہاہے گزشتہ تین ماہ کے دوران 47 ارب روپے کا سونا خریداگیا۔وفاقی ادارہ شماریات کے مطابق رواں سال کی دوسری سہ ماہی کے دوران پاکستان میں سونے کی خریداری میں 8 فیصد کا اضافہ دیکھا گیا، تین ماہ کے دوران مجموعی طور پر 28 ارب 64 کروڑ روپے مالیت کے سونے کے زیورات اور 18 ارب 66 کروڑ روپے سے زائد کی سونے کی اینٹیں اور سکے خریدے گئے،

سال کی پہلی سہ ماہی کے دوران مجموعی طور پر 42 ارب 82 کروڑ روپے کا سونا خریدا گیا تھا۔ ورلڈ گولڈ کونسل کے مطابق اپریل سے جون تک پاکستان میں مجموعی طور پر 10.9 ٹن سونا خریدا گیا، جس میں سے 6.6 ٹن سونے کے زیورات بنوائے گئے، جبکہ 4.3 ٹن سونا سکوں اور اینٹوں کی شکل میں خریدا گیا، سال کی پہلی سہ ماہی کے دوران مجموعی طور پر 10.1 ٹن سونا خریدا گیا تھا۔

موضوعات:سونے کی خریداری