اسلام آباد(آن لائن)گذشتہ مالی سال 2016-17 کے مقابلہ میں رواں مالی سال 2017-18 کے ابتدائی ماہ جولائی کے دوران ایف بی آر کی ٹیکس وصولیوں میں 22 فیصد کا اضافہ ہوا ہے۔ ایف بی آر کے ترجمان ڈاکٹر محمد اقبال نے کہا ہے کہ جولائی 2017 کے دوران ایف بی آر کے ٹیکس محصولات 200 ارب روپے رہے ہیں

جو ہدف کے مقابلہ میں زائد ہیں۔ انہوں نے کہا کہ گذشتہ مالی سال میں جولائی 2016 کے دوران ایف بی آر نے 164 ارب روپے کے ٹیکسز اکٹھے کئے تھے۔ انہوں نے مزید کہا کہ جولائی 2017 کی ایف بی آر کی ٹیکس وصولیوں میں مزید اضافہ متوقع ہے کیونکہ حتمی اعدادوشمار مرتب کئے جا رہے ہیں۔