اسلام آباد(این این آئی)پاکستان اور عالمی مالیاتی فنڈ (آئی ایم ایف)کے درمیان حتمی مذاکرات (آج) جمعرات کو ہوں گے۔حکام وزارت خزانہ کے مطابق گورنر اسٹیٹ بینک اور آئی ایم ایف میں مذاکرات ہوں گے، آئی ایم ایف ٹیم گورنر اسٹیٹ بینک سے بیرونی فنڈنگ پر حتمی مذاکرات کرے گی،ملاقات میں پاکستان کو30جون تک کی بیرونی فنڈنگ پر بات ہو گی۔حکام وزارت خزانہ کے مطابق (آج)جمعرات پاکستانی اور آئی ایم ایف حکام کی حتمی ملاقات ہو گی، پاکستان اور آئی ایم ایف حکام مشکل مذاکرات سے گزر چکے ہیں، آج ہونے والی ملاقات میں پروسیجرل معاملات پر بات کی جائے گی۔خیال رہے کہ پاکستان ایک ارب ڈالر قرض کی قسط کے لیے آئی ایم ایف کی تمام شرائط پوری کر چکا ہے اور آئی ایم ایف حکام بھی پاکستان کی جانب سے کیے گئے اقدامات پر اطمینان کا اظہار کر چکے ہیں۔

موضوعات:وزارت خزانہ