لاہور (مانیٹرنگ، این این آئی) پاکستان تحریک انصاف کے رہنما فرخ حبیب نے اپنے ٹوئٹر پر پی ٹی آئی ورکر علی بلال کی ڈیڈ باڈی کی تصویر شیئر کی ہے اور لکھا ہے کہ فاشسٹ حکومت نے ظلم کی انتہا کر دی، پی ٹی آئی کے پرانے ورکر علی بلال کو پولیس کے ظلم اور تشدد سے شہید کر دیا گیا، اس امپورٹڈ حکومت نے کارکنوں کا

فاشسٹ حکومت نے ظلم کی انتہا کردی گئی PTI پرانے ورکر علی بلال کو پولیس کے ظلم اور تشدد سے شہید کردیا گیا ہے۔ اس امپورٹڈ حکومت نے کارکنوں کا خون بہانا شروع کردیا ہے pic.twitter.com/K6IoAJ5tb7

— Farrukh Habib (@FarrukhHabibISF) March 8, 2023

خون بہانا شروع کر دیا ہے۔ دوسری جانب جنید نامی صارف نے اپنے ٹوئٹ میں زمان پارک میں پولیس تشدد سے تین افراد کے جاں بحق ہونے کا دعویٰ کیا ہے اور کہا ہے کہ ماڈل ٹاؤن کا واقعہ دہرایا جا چکا ہے۔ دوسری جانب انہوں نے کہا ہے کہ ایک طرف انتخابات کا شیڈول آ چکا ہے، دوسری جانب 22 کروڑ عوام کے لیڈر کو ریلی کی اجازت نہیں دی جا رہی۔لاہور میں دفعہ 144 نافذ کر دی گئی ہے، فاشسٹ، امپورٹڈ حکومت ملک میں خون ریزی چاہتی ہے، ان کا راولپنڈی میں بھی خون ریزی کا پلان تھا۔فرخ حبیب نے کہا کہ انہوں نے پولیس کے ذریعے گلوکریسی کرائی، پولیس کے ذریعے ریاستی جبر کرایا، پولیس نے ڈنڈوں سے لوگوں کی گاڑیوں کے شیشے توڑے۔انہوں نے کہا کہ انتخابی شیڈول کا اعلان ہو چکا ہے، اب عمران خان کا راستہ کوئی نہیں روک سکتا، راجن پور کے انتخاب میں سب کی آنکھیں کھل چکی ہیں، حکومت نے 11 ماہ کے اندر عوام کا بھرکس نکال دیا ہے۔فرخ حبیب نے کہا کہ کارکن پرامن رہیں، ان کی سازش کا شکار نہیں ہونا، یہ تصادم کے ذریعے لاشیں گرا کر انتخابات کو ملتوی کرانا چاہتے ہیں، نواز شریف کے لندن پلان کو ہم نے کامیاب نہیں ہونے دینا۔انہوں نے کہا کہ خواتین کے عالمی دن کے موقع پر قوانین کی دھجیاں اڑائی جا رہی ہیں، خواتین کے عالمی دن کے موقع پر خواتین پر تشدد کیا گیا۔

زمان پارک میں پولیس تشدد سے 3 افراد جان بحق ہو چکے…… ماڈل ٹاؤن کا واقعہ دہرایا جا چکا ہے

— Junaid (@M_Junaidd) March 8, 2023