ممبئی (نیوزڈیسک)بولی وڈ نئے اداکار سورج پنچولی کا کہنا ہے کہ اگر وہ سلمان خان کی کوئی فلم کرنا چاہتے تو وہ ’بجرنگی بھائی جان‘ ہوتی۔انڈین ایکسپریس کو ایک انٹرویو میں سورج کا کہنا تھا کہ کاش فلم ’بجرنگی بھائی جان‘ میں وہ اداکاری کرتے اور اگر کبھی اس فلم کا ریمیک بنا اور انہیں اداکاری کی آفر کی گئی تو وہ ضرور اس میں اداکاری کریں گے۔سورج پنچولی اس وقت فلم ’ہیرو‘ میں اداکاری کر رہے ہیں جس کی پروڈکشن دبنگ اداکار سلمان خان کی ہے۔اس فلم میں سورج کے ہمراہ اداکار سنیل شیٹھی کی بیٹی اتھیا شیٹھی اہم کردار کرتی نظر آئیں گی۔نکہیل ایڈوانی کی ہدایات میں بننے والی یہ فلم سبھاش گھئی کی 1983 میں ریلیز ہونے والی فلم ’ہیرو‘ کا ریمیک ہے۔سورج پنچولی کا مزید کہنا تھا کہ وہ خود کو خوش قسمت سمجھتے ہیں کہ سلمان خان نے انہیں اس فلم کے لیے منتخب کیا۔فلم ’ہیرو‘ 11 ستمبر کو سنیما گھروں میں نمائش کے لیے پیش کی جائے گی۔