سرگودھا(این این آئی)سرگودھا میں موبائل مدرسہ نے جھگیوں میں رہنے والے بچوں کو تعلیم وتربیت کی انوکھی مثال قائم کر دی۔سرگودھا کے مدرسہ ختم نبوت کے مفتی محمد جہانگیر حیدر نے کہا کہ خانہ بدوش اور جھگیوں میں رہنے والے خاندانوں کے بچوں کو نہ کوئی مدرسہ اور نہ ہی کوئی سکول تعلیم دیتا ہے
اس لئے موبائل مدرسہ کے زریعے ان دینی تعلیم وتربیت کا آغاز کیا گیا۔انہوں نے بتایا کہ ضلع سرگودھا میں جہاں جہاں جھگیاں اور خانہ بدوش مقیم ہیں ان کے بچوں کو دینی تعلیم دی جا رہی ہے جس میں ان کو کلمہ طیبہ،نماز اور حضور پاک صلی اللہ علیہ وسلم کی سنتوں کے ساتھ قرآن پاک کی تعلیم دی جائے گی موبائل مدرسہ کے انچارج مفتی محمد جہانگیر حیدر نے کہا کہ جھگیوں میں مقیم خاندان اسی معاشرے کا حصہ ہیں جو 22 کروڑ کی آبادی میں 2 کروڑ کے لگ بھگ ہونگے جو دین اسلام کی تعلیم سے محروم ہے کسی بھی آنے والی حکومت نے ان کے بارے میں نہیں سوچا جن کے بارے سوچنا حکمرانوں کی ذمہ داری ہے تاکہ ان غریب بچوں کے اندر دین کا شعور بیدار ہو اور یہ بھی اچھی زندگی گزار سکیں انہوں نے بتایا کہ موبائل مدرسہ کے زریعے بچوں کو مفت سپارے اور قاعدے مہیا کر کے تعلیم اور تربیت کا عمل جاری ہے۔
