خیبرایجنسی۔۔۔۔ سیکیورٹی فورسز کی خیبرایجنسی کے مختلف علاقوں میں کارروائی کے دوران 36 دہشتگرد ہلاک ہوگئے۔پاک فوج کے شعبہ تعلقات عامہ (ا ئی ایس پی ا ر) کے مطابق سیکیورٹی فورسز نے وادی تیراہ میں پاک افغان سرحد پر دہشتگردوں کے ٹھکانوں پر حملہ کیا جب کہ ورماگئی اور سپرکوٹ کے مقام پر سیکیورٹی فورسز اور دہشتگردوں کے درمیان جھڑپ کے نتیجے میں 32 دہشتگرد ہلاک ہوگئے جب کہ فائرنگ کے تبادلے میں 3 سیکیورٹی اہلکار بھی زخمی ہوگئے۔ ا?ئی ایس پی ا?ر کا کہنا ہے کہ دہشتگرد اپنے ساتھیوں کی لاشیں چھوڑ کر فرار ہوگئے۔دوسری جانب عالم گودر کے علاقے میں بھی فورسز اور دہشتگردوں کے درمیان جھڑپ ہوئی جس کے دوران 4 دہشتگرد مارے گئے جن کی لاشیں شناخت کے لئے جمرود لیویز سینٹر منتقل کردی گئی ہے۔واضح رہے کہ سانحہ پشاور کے بعد سیکیورٹی فورسز کی جانب سے دہشتگردوں کے خلاف کارروائی میں مزید شدت ا گئی ہے جب کہ گزشتہ روز خیبرایجنسی میں زمینی اور فضائی کارروائی کے دوران 27 دہشتگرد ہلاک ہوگئے تھے۔