اسلام آباد (مانیٹرنگ ڈیسک /این این آئی)انگلش ٹیم کے فاسٹ بائولر کرس ووکس نے اپنے ایک بیان میں کہا ہے کہ آئی پی ایل نہ کھیلنے کا فیصلہ آسان نہیں، میرے اندر ایک حصہ چاہتا ہے کہ میں بھارت جاسکوں کیونکہ یہ مالی طور پر فائدہ مند ہے لیکن یہ بھی نہیں کہ مجھے پیسوں کا لالچ ہے ۔

انہوں نے اس سال آئی پی ایل نہ کھیلنے کے فیصلے پر مزید روشنی ڈالتے ہوئے کہا کہ ’میں صرف مالی بنیاد پر آئی پی ایل کھیلنے کا فیصلہ نہیں کرنا چاہتا۔انکا مزید کہنا تھا کہ کرکس ووکس کے مطابق وہ انگلینڈ کے لیے مزید ٹیسٹ کرکٹ کھیلنا چاہتے ہیں اور ان کا مقصد آسٹریلیا کے خلاف ایشیز سیریز کھیلنا ہے۔دوسری جانب ورلڈ ٹی ٹوئنٹی کپ اپنے نام کرنے والی انگلش ٹیم کے کھلاڑی ایلکس ہیلز نے 2023میں آئی پی ایل کھیلنے سے انکار کر دیا ۔ غیر ملکی میڈیا کے مطابق انگلینڈ ٹیم کے اوپنر ہیلز کی جانب سے پاکستان ، آسٹریلیا اور متحدہ عرب امارات میں کرکٹ لیگز کھیلنے کے معاہدے کیا ہوئے ہیںجس کی باعث انہوں نےآئندہ سال آئی پی ایل کھیلنے سےانکار کر دیا ہے ۔ دوسری جانب آسٹریلیا کرکٹ ٹیم کے کپتان پیٹ کمنز نے انڈین پریمیئر لیگ (آئی پی ایل)نہ کھیلنے کا اعلان کردیا۔بھارتی میڈیا کے مطابق پیٹ کمنز آئی پی ایل کے گزشتہ 3سیزن کولکتہ نائٹ رائڈرز کی ٹیم کے ساتھ کھیلے تھے تاہم اس سال انہوں نے زیادہ بین الاقوامی میچز ہونے کے باعث اس مرتبہ لیگ نہ کھیلنے کا فیصلہ کیا ہے۔آسٹریلیا کی ٹیسٹ اور ون ڈے ٹیم کے کپتان نے سوشل میڈیا اکائونٹ پر پیغام جاری کرتے ہوئے

لکھا کہ میں نے اگلے سال آئی پی ایل نہ کھیلنے کا فیصلہ کیا ہے، اگلے 12 ماہ بہت زیادہ ٹیسٹ اور ون ڈے میچز ہیں۔پیٹ کمنز نے مزید لکھا کہ ایشز سیریز اور ورلڈ کپ سے قبل کچھ آرام کروں گا۔آسٹریلوی کھلاڑی نے آئی پی ایل کی ٹیم کولکتہ نائٹ رائڈرز کو بھی اپنے اس فیصلے سے متعلق آگاہ کردیا ہے۔

رپورٹس کے مطابق پیٹ کمنز کا کولکتہ نائٹ رائڈرز کے ساتھ 3 ملین آسٹریلوی ڈالرز کا معاہدہ تھا۔دوسری جانب کیوی فاسٹ بولر ٹرینٹ بولٹ اور بیٹر مارٹن گپٹل کو کنٹریکٹ نہ لینے کی وجہ نیوزی لینڈ اسکواڈ سے ڈراپ کر دیا گیا۔

غیر ملکی میڈیا کے مطابق ٹرینٹ بولٹ نے لیگز کے معاہدوں کے باعث رواں برس کنٹریکٹ چھوڑ دیا تھا۔نیوزی لینڈ کرکٹ ٹیم کے کوچ گیری اسٹیڈ نے کہا کہ تجربہ کار ٹرینٹ بولٹ اور مارٹن گپٹل کو ڈراپ کرنا آسان نہیں تھا، اب ٹیم کو آگے کی طرف دیکھنا ہے۔