نئی دہلی (نیوز ڈیسک) نوجوان نے واٹس ایپ پر پیغام چھوڑتے ہوئے والدین کے باہمی جھگڑے سے تنگ آکر خودکشی کرلی۔ شانو اور اس کا بڑا بھائی شیکھر اپنی آنٹی کے گھر ایک ہی کمرے میں سوئے ہوئے تھے کہ رات کے وقت شیکھر کی آنکھ کھلی تو اس نے دیکھا کہ شانو پنکھے سے لٹکا ہوا ہے۔ اسے فوری طور پر ہسپتال لے جایا گیا جہاں ڈاکٹروں نے موت کی تصدیق کردی۔ پولیس کا کہنا ہے کہ شانو کی والدہ روزگار کے سلسلے میں دبئی میں مقیم ہے جبکہ اس کا باپ دہلی میں رہتا ہے، اس وجہ سے اکثر دونوں میں جھگڑا ہوتا رہا۔ شانو اور شیکھر غازی آباد میں اپنے دادا دادی کے ساتھ رہتے تھے کہ 15 اگست کو دونوں اپنی آنٹی کے گھر نئی دہلی آئے تھے۔ پولیس کے مطابق شانو نے خودکشی سے قبل واٹس ایپ پر ایک پیغام بھی چھوڑا ہے۔