نئی دہلی (این این آئی)پہلا بھارتی ووٹر اپنا آخری ووٹ ڈالنے کے 3 دن بعد دنیا سے رخصت ہوگیا۔بھارتی میڈیا کے مطابق ریاست ہماچل پردیش میں رہنے والے 106سالہ شیام سرن نیگی شہری نے اپنی زندگی کے دوران 34 مرتبہ الیکشن میں ووٹ ڈالے۔بھارتی میڈیا کا کہنا ہے کہ شیام سرن نیگی نے 2نومبر کو ہماچل پردیش میں ہونے والے اسمبلی انتخابات کے لیے اپنی زندگی کا آخری ووٹ ڈالا تھا۔شیام سرن نیگی نے 23اکتوبر 1951کو آبائی علاقے میں ہی اپنا پہلا ووٹ کاسٹ کیا تھا۔بھارت کے الیکشن کمیشن نے شری شیام سرن نیگی کی موت پر افسوس کا اظہار کرتے ہوئے ان کیلئے پیغام بھی جاری کیا ہے۔الیکشن کمیشن آف انڈیا نے ٹوئٹر پر لکھا کہ شری شیام سرن نیگی کی خدمات کے لیے ہمیشہ ان کے مشکور ہیں۔اس کے علاوہ دیگر سرکاری حکام نے بھی ان کی موت پر دکھ کا اظہار کیا ہے۔