ایڈیلیڈ( این این آئی) ٹی ٹونٹی ورلڈکپ 2022ء میں آئرلینڈ کے فاسٹ بولر جوش لٹل نے نیوزی لینڈ کے خلاف ٹورنامنٹ کی دوسری ہیٹرک بناڈالی۔ایڈیلیڈ میں کھیلے گئے میچ کے 19 ویں اوور میں آئرلینڈ کے فاسٹ بولر جوش لٹل نے کیوی کپتان کپتان کین ولیمسن، جیمز نیشم اور مچل سینٹنر کی وکٹیں لے کر یہ کارنامہ سر انجام دیا۔قبل ازیں میگا ایونٹ میں پہلی ہیٹرک متحدہ عرب امارات کے بولر کارتک میپن سری لنکا کے خلاف بنائی تھی۔ٹی ٹونٹی ورلڈکپ کی تاریخ میں سب سے پہلی ہیٹرک کا اعزاز آسٹریلوی فاسٹ بولر بریٹ لی نے کی تھی، انہوں نے 2007ء کے پہلے ورلڈکپ میں بنگلہ دیش کے خلاف یہ کارنامہ سرانجام دیا تھا۔واضح رہے کہ جوش لٹل آئرلینڈ کی جانب سے ٹی ٹونٹی ورلڈکپ میں ہیٹرک بنانے والے واحد بالر ہیں۔