بغداد (نیوز ڈیسک) شام میں شمالی کوریا سے دوستی کے اظہار کے لئے کم جونگ ان کے دادا کم ٹو سنگ کے نام پر یادگار کا افتتاح کردیا گیا۔ شامی خبررساں ادارے کے مطابق یادگار کا افتتاح شمالی کوریا کی آزادی کی سترویں سالگرہ کے موقع پر کیا گیا ہے۔ تقریب میں اعلیٰ شامی حکام نے شرکت کی۔ شام کے نائب وزیر خارجہ نے ایک بیان میں کہا ہے کہ شمالی کوریا شام کے لئے ایک مثال ہے اور دونوں ملکوں میں تعلقات مزید مضبوط کرنے کی ضرورت ہے۔ اس موقع پر شمالی کوریا کے سفیر نے کہا کہ ہمیں پورا یقین ہے شامی حکومت جارحیت کیخلاف فیصلہ کن کامیابی حاصل کر لے گی۔