نیو دہلی(نیوز ڈیسک)بولی ووڈ انڈسٹری کے کنگ شاہ رخ خان معروف اداکارہ کاجل کی صلاحیتوں کے متعرف ہو گئے۔رپورٹ کے مطابق اداکا ر شاہ رخ خان کا کہنا ہے کہ انھوں نے اداکارہ کے ساتھ جتنی بھی فلموں میں کام کیا ہے وہ سب کامیابی سے ہم کنار ہوئی ہیں۔انھوں نے ایک انٹرویو کے دوران بتایا کہ کاجل کی اداکاری میں ایک جادو ہے جب میں ان کے ساتھ کسی فلم کا کوئی منظر یا گانا فلم بند کراتا ہوں تو اس جادو کے سحرمیں کھو جاتا ہوں۔49سالہ اداکار نے حال میں اپنی نئی آنے والی فلم دیوالی کے لئے اداکارہ کے ساتھ ایک گانا عکس بند کرایا ہے۔اس گانے کی شوٹنگ کے بعد انھوں نے سماجی رابطے کی سائٹ ٹویٹر پر اپنی ٹویٹ میں کہا ہے کہ’ کالی کالی آنکھیں‘ سے لیکر’ تیرے نیناں‘ تک وہ کاجل کی سحر انگیزی میں ڈوبے ہوئے ہیں۔واضح رہے یہ معروف جوڑا 2010ئ میں کرن جوہر کی ڈرامہ فلم ’مائی نیم از خان‘ کے بعد اب روہت شیٹھی کی کامیڈی فلم ’دیوالی ‘ میں دوبارہ بڑی سکرین پر اپنی اداکاری کا جادو چلاتے دکھائی دے گا۔ خا ن نے اپنی ساتھی اداکارہ کے ساتھ ساتھ فلم کی ٹیم کا بھی شکریہ ادا کیا ہے۔واضح رہے دیوالی کی دیگر کاسٹ میں ورون دھون،کیرتی سینن،بومن ایرانی،ونود کھنہ،سنجے مشرااور جونی لیور شامل ہیں۔دیوالی رواں برس 18دسمبر کو سینما?ں میں نمائش کے لئے پیش کی جائے گی