اسلام آباد (نیوز ڈیسک) بالی ووڈ کے چاکلیٹی ہیرو رنبیر کپور نے کہا کہ فلموں کی ناکامی کا ذمہ دار ہیرو بھی ہوتا ہے اسی لیے اپنی فلموں کی ناکامی کا ذمہ دار ہوں۔
بالی ووڈ کے سپر اسٹار اداکار رنبیر کپور کا ستارہ ان دنوں گردش میں ہے ان کی مسلسل 3 فلمیں ’’بے شرم‘‘،’’روئے‘‘ اور ’’بمبئی ویلویٹ‘‘ باکس آفس پر بزنس کرنے میں ناکام ثابت ہوچکی ہیں جس کے باعث ان کا فلمی کیرئیر شدید مشکلات کا شکار ہے تاہم رنبیر اس ناکامی میں خود کو بھی ذمہ دار سمجھتے ہیں۔ فلموں کی ناکامی کی ذمہ داری سے متعلق سوال پر رنبیر کپور کا کہنا تھاکہ فلموں کی کامیابی کا سہرا ہمیشہ اداکار کے سر سجایا جاتا ہے اور مداحوں کی جانب سے بے حد پیار بھی ملتا ہے جب کہ اپنی ناکام فلموں کے کردار کا انتخاب میں نے ہی کیا تھا اسی لیے ناکامی کی ذمہ داری کا میں بھی حصہ دار ہوں۔
