سرینگر(این این آئی)مقبوضہ کشمیر میں بادل پھٹنے (کلاؤڈ برسٹ)سے شدید بارش اور سیلاب کے نتیجے میں 15افراد ہلاک اور 40لاپتہ ہوگئے، یہ واقعہ امرناتھ مندر کے قریب ہوا۔بھارتی میڈیا کے مطابق شام ساڑھے 5بجے بادل پھٹا جس کے نتیجے میں مندر کے قریب خیمے تباہ ہوگئے۔صورتحال سے نمٹنے کیلئے ریسکیو ٹیمیں موقع پر پہنچ چکی ہیں جو ریسکیو کارروائیوں میں مصروف ہیں۔بھارت کی بارڈر پولیس کے ترجمان نے کہا کہ خطرے کے پیش نظر امرناتھ یاترا کو وقتی طور پر روک دیا گیا ہے۔ہندوں کا یہ مذہبی تہوار کورونا وائرس کی وجہ سے دو برس بعد 30جون کو شروع ہوا تھا۔