کوےت سٹی(نیوزڈیسک) بین الاقوامی شہرت یافتہ پاکستانی گلوکار عاطف اسلم انڈین کمیونٹی کی جانب سے 21اگست کوےت میں ہونے والے شومیں پرفارم کرنے کے فیصلہ پر کوےت میں پاکستانی کمیونٹی نے شدید ردعمل کااظہارکیاہے عاطف اسلم ایسے وقت میں انڈین کمیونٹی کے شو میں پرفارم کرنے آرہے ہیں جبکہ بھارت پاکستان کی سرحدوں پر گولہ باری کرکے پاکستانیوں کو شہید کررہاہے ۔ذرائع کے مطابق عاطف اسلم سے رابطہ کیاگےا کہ اگر آپ اپنا شو پاکستان کے نام کردیں اور شو پاکستانیوں اورپاکستان کے نام کردیں تواس شو کامیاب بنانے کے لئے مدد کرنے کو تےارہیں لیکن عاطف اسلم نے 40ہزارڈالرمعاوضہ طلب کیاہے جس پر رابطہ کار خاموش ہوگئے ۔ذرائع کے مطابق اس سے قبل گذشتہ سال معروف پاکستانی کامیڈین عمر شریف کوےت انڈین پروگرام کے لئے آئے تو انہوں نے بھی پاکستانیوں سے 5ہزاردینار(15ہزارڈالر) لئے تھے اس کے علاوہ اپنے ہسپتال کے لئے پاکستانیوں سے ڈونیشن بھی لیاتھا ۔کوےت مقیم پاکستانیوںنے کہاہے کہ عاطف اسلم مقبول ترین گلوکارہیں لیکن حب الوطنی کا بھی تقاضاہوتاہے اگر چہ کوےت میں پاکستانیوں کے ویزوں پر پابندی عائد ہے لیکن پاکستانی فنکاروں کے پاس ڈونیشن پاسپورٹ ہوتے ہیں جس پر وہ کوےت اوردیگر ممالک کا سفرکرتے ہیں ان کو پاکستانیوں کے جذبات کا خیال رکھنا چاہئے ۔ذرائع کے مطابق انڈین پروگرام میں بعض پاکستانی دیوانہ وار انڈین پروگرامرز کے ارد گرد طواف کرتے ہیں ان کو پروگرام کا کارڈ نصیب ہوجائے جسے وہ فن لاحدود قراردےتے ہیں جبکہ انڈین اس لاحدود کے برعکس ہیں وہ اپنے پروگراموں میں پاکستانی گےت غزل بھی نہیں پڑھنے دےتے ۔یادرہے کوےت میں گذشتہ کئی سالوں سے کوےت میں پاکستانی فنکار ویزے بندہونے کی وجہ سے کوئی پروگرام نہیں کرسکے جبکہ انڈین پرموٹرز اس کا فائدہ اٹھاتے ہوئے پاکستانی فنکاروں کو اپنے پروگرام میں بلاکر پاکستانیوں کے زخموں پر نمک چھڑکتے ہیں ۔