ماسکو (این این آئی)روس نے یوکرین کے اہم اسٹریٹیجک شہر ماریوپول کے زیادہ تر حصے پر کنٹرول حاصل کرنے کا دعوی کیا ہے،میڈیارپورٹس کے مطابق ماسکو نے ماریوپول میں یوکرینی افواج کو ہتھیار ڈالنے کیلئے الٹی میٹم دیا اور کہا کہ ہتھیار ڈالنے والے یوکرینی اہلکاروں کو معاف کردیا جائے گا۔یوکرائن کی جانب سے روسی پیشکش پر ابھی کوئی ردعمل نہیں دیا گیا ۔یوکرینی صدر ولادیمیر زیلنسکی نے کہا کہ ماریوپول کی صورت حال غیر انسانی ہے، یوکرینی صدر نے مغرب سے فوری طور پر بھاری ہتھیار فراہم کرنے کا مطالبہ کیا ہے۔