گوجرہ (این این آئی) ایک ملزم نے 9ساتھیوں کے ہمراہ گن پوائنٹ پر شادی شدہ خاتون کو شوہر اور بچوں کے سامنے زبردستی مبینہ زیادتی کا نشانہ بنا ڈالا۔
تفصیلات کے مطابق تھانہ صدر گوجرہ کے گاؤں 310ج ب گوجرہ کا کیفی اپنی اہلیہ مسماۃ شہناز بی بی اور بچوں کے ہمراہ موٹر سائیکل رکشہ پر اپنے گاؤں واپس آرہا تھا کہ 360 ج ب کے قریب مبینہ ملزمان یسین،جہانگیر،فیصل،نذیر،آصف بمعہ 5کس نامعلوم ملزمان ساکنان پنڈی بھٹیاں نے گن پوائنٹ پر روک لیا اور مبینہ ملزم جہانگیر زبردستی شہناز بی بی کو قریبی کھیتوں میں لے گیا اور اسے زبردستی مبینہ زیادتی کا نشانہ بنا ڈالا جبکہ دیگر ساتھی گن پوائنٹ پر کیفی ودیگر اہل خانہ کو موقع پر یرغمال بنائے رکھا اور بعد ازاں موقع سے فرار ہوگئے۔تھانہ صدر پولیس نے متاثرہ خاتون کے شوہر کیفی کی مدعیت میں مقدمہ درج کرکے قانونی کارروائی کا آغاز کر دیا ہے۔
