کراچی (این این آئی)وزیراعلی سندھ سید مراد علی شاہ کی ہدایت پر ملک کی پہلی خواجہ سرا ڈاکٹرسارا گل کو جناح پوسٹ گریجویٹ میڈیکل سینٹر(جے پی ایم سی)میں ہائوس جاب مل گئی۔چیئرمین پیپلزپارٹی بلاول بھٹو زرداری نے وزیراعلی سندھ کو ڈاکٹر سارا کو فوری ہائوس جاب دلانے کی ہدایت کی تھی۔منگل کو ڈاکٹر سارا نے
جے پی ایم سی کے ایکزیکٹیو ڈائریکٹر پروفیسر شاہد رسول سے ملاقات کی اور ہائوس جاب آرڈر لیا۔وزیراعلی سندھ نے ڈاکٹرساراگل کو ہائوس جاب ملنے پر مبارکباد پیش کی اورکہاکہ پیپلزپارٹی کی سندھ حکومت خواجہ سرا ئوں کو ہر شعبے میں آگے لانے کے لیے اقدامات کررہی ہے۔ہم خواجہ سرائوں کو ہر شعبے میں عزت و احترام دلوائیں گے۔
